PIZARRUS Franciscus

PIZARRUS Franciscus

Hispanus Peruviam detexit et occupavit. Hunc exposi titium fuisse dicunt, et ad fores templi cuiusdam, omnium misericordiae, ab impudica matre, obiectum: dein cum a Capitaneo Consalvo Pizarro pro filio agnitus esset, in pago Truxillo porcos custodiisse. Horum unô perditô, cum ad patrem reverti timeret, Hispalim primo, dein in Indias aufugit. Huic Didacus Almagrus, a natali pago dictus, itidem genere tam vili, ut quis pater eius esset, numquam sciri potuerit, se iunxit: qui duo in Peruvianum regnum irrumpentes, A. C. 1525. in Atabalipam Regem, subditosque eius primo, dein, cum de immensâ praedâ dissidium oriretur, in se ipsos immaniter saevierunt. Et Ferdinandus quidem, frater Pizarrae, Almagrum; huius vero filius Franciscum Pizarram vicissim e medio sustulit. Consalvustertius Pizarrae frater, utriusque necem ultus, tam insolens evasit, ut Carolus V. Petrum Gaseam, ICtum in Peruviam mittere coactus fuerit, qui malis mederetur. A. C. 1546. Mariana, l. 26. Thuan. l. 1. Sandoval. in Carolo 5. etc. Vide et Franciscus.